Ligji i Kryqit të Kuq

DISPOZITA TË PËRGJITHSHME

Neni 3

Kryqi i Kuq është e vetmja organizatë e Kryqit të Kuq në territorin e Republikës së Maqedonisë së Veriut, e cila përbëhet nga organizatat e Kryqit të Kuq të komunave dhe nga organizata e Qytetit të Shkupit.

Organizimi, fushëveprimi dhe mënyra e punës së organeve dhe shërbimeve përmes të cilave Kryqi i Kuq i kryen detyrat e tij, si dhe numri dhe mënyra e zgjedhjes së anëtarëve të organeve dhe shërbimeve, rregullohen me Statutin e Kryqit të Kuq.

Neni 4

Kryqi i Kuq i arrin qëllimet dhe detyrat e tij bazuar në parimet themelore të Lëvizjes Ndërkombëtare të Kryqit të Kuq dhe Gjysmëhënës së Kuqe, të cilat janë:

humanizmi
paanshmëria
neutraliteti
pavarësia
vullnetarizmi
uniteti
universaliteti

Neni 5

Kryqi i Kuq bashkëpunon me:

Komitetin Ndërkombëtar të Kryqit të Kuq
Federatën Ndërkombëtare të Shoqatave të Kryqit të Kuq dhe Gjysmëhënës së Kuqe
Shoqatat Nacionale të Kryqit të Kuq dhe Gjysmëhënës së Kuqe
si dhe me organizata të tjera ndërkombëtare humanitare, shëndetësore dhe sociale

Shënim: Ligji i përmendur mund të gjendet në versionin e plotë në dokumentin zyrtar të Ligjit për Kryqin e Kuq të Republikës së Maqedonisë së Veriut.

< kthehu mbrapa